第一代E-sky FP升級木槳鋰電戶外處女航

旅行之家

因應原裝FP無法進行戶外飛行，在網上經Ken 哥及各網友指點，將 E-sky FP升級木槳鋰電。
配置：
第一代E-sky FP
原裝摩打配8T
原裝四合一
直驅尾摩打
Ken 記木槳、11.1V鋰電
升級後調較四合一至最佳狀態。於寫字樓會議室試飛、hov機絕對掌握得到。FP於地下及會議�烂娲┧笊�降。hov機信心十足。
今天收工時天色甚佳、是戶外處女航的好日子。試飛地點在舊啟德機場，場地吹著微風。迎風放好 FP �纷�搖控器心情有點緊張，但在室內飛了有一段日子，加上練SIM 都有幾個月，心想應該無問題。
點知 hov 機高過心口先發覺同預算有好大差距，直情是出乎我的意料之外。隻機俾迎面的風一吹頓時變左紙鷂不斷升高而且隨風吹走，連忙拉低油門，又唔敢收晒；但機已吹到三層樓咁高，我隻 FP 咁大個仔都未飛過咁高。我當時好”騰”，因為完全是我預算之外；我極力去嘗試控制隻機，但我發覺當時我對手有D震，因為隻機越來越高，我好驚吹出場外。
呢個時候唯有使出在 SIM 練到的功夫，因為我從未戶外飛過FP咁高，仲係俾風吹上去個隻。這時在 SIM 練到的功夫果然有好大幫助，雖然唔可以話完全控制到架機，但大方向都可以控制。雖然論論盡盡但都將架機降番落地，但架機的抗風性並不如想象般優良；之後三上三落都是要好盡力先論論盡盡勉強控制到部機。三上三落的戰果是主旋翼飛脫一次、尾槳打斷收場。
雖然付出少少代價，時間只是幾分鐘，但箇中(俾風吹走個剎那)驚險刺激、(論論盡盡勉強控制到)開心同(隻機執番條命)喜悅是難以形容。
當時好”騰”、及對手有D震的感覺是從未試過，我估計當時我是很驚、因為事情發展是完全出乎我的預算。但呢種感覺很過癮！因為我都好似好耐無試過。
:em15:  :em15:  :em15:
P.S.：隻 FP 斷左尾槳之後；��隻 Trex450 出黎放，抗風性真係不可同日而寓。至此方知戶外飛FP的師傅真是真真正正的高手。